You are here

Psalm 23 in Pitjantjatjara
Central Australia
1 Mayatja nyuntu panyaṉin aṯunymaṟa wiṟuṟa kanyilpai.
Panya wati tjapatangku tjipi tjuṯa wiṟuṟa kanyilpai,
palu puṟunytjuṉin nyuntu ngayunya aṯunymankupai.
2 Nyuntu ngayunya ngura wiṟungka kanyilpai, mai puḻkatjarangka ngalkula paḻtja nyinanytjaku.
Munuṉin ngayunya mina wiṟukuṯu katipai tjikiṟa nyantulpa nyinanytjaku.
3 Ka panya ngayulu kurunpa uparingkunyangka nyuntu ngayunya kuṉpulpai.
Munun ngayunya katiṟinkupai iwara tjukaṟurungka ngaṉmanytju kalkuntjatjanungku.
4 Tjinguṟu ngayuku tjituṟu-tjituṟu puḻka wirkankunyangkaṉa nguḻuringama ilunytjaku-tawara.
Palu nyuntu ngayula tjungu nyinanyi,
kaṉa palulanguṟu nguḻu wiya rapa ngaṟaku.

Panya tjapatangku tjukaratjarangku tjipi tjuṯa aṯunymankupai,
palu puṟunytjun nyuntu ngayunya aṯunymaṟa kanyini.
5 Nyuntu panya ngayuku puḻkaṟa mulapa mukuringkupai.
Munun ngayuku mai puḻka puṟunypa palyalpai ngayuku mukuringkula.
Munutjun palu puṟunytjuṯu ngayuku walpayaṯangka tjaalyngaṟatjunkupai tiṯutjara ngarinytjaku.
Palu ngayuku mirpaṉtju tjuṯaku nyuntu alatji palyalwiyangku wantipai.
Uwa, nyuntu pukuḻtjungku ngayunya wiṟuṟa aṯunymankupai, kaṉa puḻkaṟa pukuḻaripai.
6 Mulapa ngayuku nyuntu tiṯutjara puḻkaṟa mukuringanyi,
munun wiṟu kutju alatjiṯu ngayuku palyaṉi.
Kaṉa nyuntula tjunguringkula tiṯutjara nyuntula kutju nyinaku mantangka nyanga wanka nyinaralpi.